ესპანური გამოცემები საკმაოდ საინტერესო ინფორმაციას ავრცელებენ, რომელიც „ბარსელონას“ ფეხბურთელის, რონალდ არაუხოს მადრიდის „რეალში“ გადასვლას უკავშირდება, თუმცა არა ახლა, არამედ მომავალში.

ესპანური და იტალიური გამოცემები იუწებიან, რომ ჟოან ლაპორტა ზამთრის სატრანსფერო ფანჯრის დახურვამდე არაუხოს „იუვენტუსში“ გაყიდვას გეგმავს. კატალონიური კლუბის ფინანსური კრიზისი იმდენად დიდია, რომ ლაპორტას ქმედითი ნაბიჯების გადადგმა უწევს.

„ბებერი ქალბატონის“ უკანა ხაზში ძალიან სერიოზული პრობლემებია, არაუხო კი მართლაც დიდი შენაძენი იქნებოდა, სწორედ ამიტომ, „იუვენტუსი“ დაახლოებით 60 მილიონი ევროს გამოყოფას გეგმავს ფეხბურთელისთვის, რომელსაც ძალიან მძიმე ტრავმა ჰქონდა და მოედანს ახლა უბრუნდება.

რაც შეეხება „რეალის“ გეგმას. პერესს არაუხო ყოველთვის ძალიან მოსწონდა, ურუგვაელის გამოჩენისთანავე ბევრი იწერებოდა უკანახაზელის მიმართ ინტერესზე, მაგრამ ის „ბარსელონას“ ღირსებას იცავდა და მოლაპარაკებები ურთულესი იყო.

ახლა კი „ბლანკოსს“ გრძელვადიანი გეგმა აქვს. თუ არაუხო „იუვენტუსში“ გადავა და კვლავ მაღალ დონეზე ითამაშებს, 2026 წლის ზაფხულში ფლორენტინო ურუგვაელზე კვლავ იზრუნებს და ეცდება, რომ მოთამაშე ბერნაბეუზე მაინც ჩაიყვანოს.

„გრძელი გზით სამეფო კლუბში“-სწორედ ასე დაარქვეს მადრიდში რონალდის მიმართ განვითარებულ მოვლენებს.