მადრიდის „რეალის“ ფეხბურთელებმა საუდის არაბეთში ფინალური ვარჯიში გამართეს. ესპანეთის სუპერთასის ნახევარფინალური დაპირისპირებისთვის ყველაფერი მზად არის.

კარლო ანჩელოტიმ ფინალურ სესიაზე დიდი ყურადღება დაუთმო პრესინგს, ტაქტიკურ მონახაზებს, მოკლე სივრცეში ზუსტ თამაშს და სტანდარტულებს.

კასტილიელები მთავარი გუნდის წევრებთან ერთად არიან და „მალიორკასთან“ შეხვედრისთვის ემზადებიან.

გუნდთან ერთად ასევე 100%-იან დატვირთვით ვარჯიშობს დავიდ ალაბა. ჯერ-ჯერობით უცნობია, მიიღებს თუ არა ავსტრიელი მცველი სათამაშო წუთებს ამხელა პაუზის შემდეგ.

შეგახსენებთ, „ბლანკოსისა“ და „მალიორკას“ დაპირისპირება ხვალ, 9 იანვარს, თბილისის დროით 23:00 საათზე აიღებს სტარტს.