მადრიდის „რეალი“ დღეს აღდგენით ვარჯიშს საწვრთნელ ბაზაზე გამართავს, შემდეგ კი საუდის არაბეთში გაემგზავრება.

9 იანვარს „მერენგებს“ ესპანეთის სუპერთასის დაპირისპირების გამართვა უწევთ, დღეს საღამოს კი დანიშნულების ადგილზე იქნებიან.

ხვალ გუნდი შეხვდება ფან კლუბების წარმომადგენლებს, ასევე დაგეგმილია ფლორენტინო პერესის, კარლო ანჩელოტის და გუნდის კაპიტნების ოფიციალური შეხვედრები.

ხვალინდელი ფინალური სესიის შემდეგ კარლო ანჩელოტი ერთ-ერთ ფეხბურთელთან ერთად წინასამატჩო პრესკონფერენციას გამართავს.