ფრან გარსიამ „ლა კოპაზე“ გამარჯვების შემდეგ ჟურნალისტებთან ისაუბრა.

„შარშანდელი წელი ხმაურით დავასრულეთ და ვალდებულები ვიყავით, იანვრის თვეც საინტერესოდ დაგვეწყო. ვფიქრობ, გასულ 2 დაპირისპირებაში კარგი შთაბეჭდილება დავტოვეთ, თუმცა ზრდა უნდა განვაგრძოთ.“

„ნებისმიერი გუნდი, რომელიც თასზე თამაშობს, განსაკუთრებულად მოტივირებულია. გამონაკლისი არც „მინერა“ ყოფილა. ამ გუნდმა დიდი ანგარიშით წააგო, მაგრამ ბევრი იბრძოლა.“

„ახალგაზრდებს ვურჩევ, რომ ძალიან ბევრი იბრძოლონ, მათთვის სწორედ ეს არის მთავარი და სხვა არაფერი. მე კასტილიელი ვარ და ვიცი, რა გზას გადიან ფეხბურთელები მთავარ გუნამდე, მაგრამ მერწმუნეთ, როდესაც შრომობ, შედეგი აუცილებლად მოდის და შენი დროც დგება.“

„ლორენცო და დიეგო აგუდების გამო ბედნიერი ვარ, ასევე ბედნიერი ვარ ჩემას გამო, რომლის დებიუტიც შედგა.“

„რაულ ასენსიო? ის მოედანზე კარგად გამოცდილი ფეხბურთელივით თამაშობს, ძალიან მომწონს რაულის სტილი, ის ძალიან წარმატებული იქნება.“

„გასული სეზონი მთლიანად ადაპტაციას დაეთმო, ამ სეზონში გაცილებით მეტ სათამაშო დროს ვიღებ და მიმაჩნია, რომ მაღალ დონეზე ვთამაშობ.“

„წინ ესპანეთის სუპერთასია, სადაც ყველაფერი უნდა ვიღონოთ „მალიორკას“ დასამარცხებლად და ფინალში გასასვლელად.“