ესპანეთის სამეფო თასის წილისყრა ხვალ შედგება, მეტოქე კი შესაძლოა საკმაოდ მრისხანე იყოს. არც „ელ კლასიკო“ და მადრიდული დერბია გამოცხადებული.

სამეფო კლუბის სავარაუდო მეტოქეებს „რაიო ვალეკანო“, „პონტევედრა“, „ხეტაფე“, „ბეტისი“, „ოსასუნა“ „ალმერია“, „ბარსელონა“, „ატლეტიკო“, „ბილბაო“, „ოურენსე“, „ელჩე“, „სოსიედადი“, „ლეგანესი“, „სელტა“ და „ელდენსე“-„ვალენსიას“ გამარჯვებული წარმოადგენენ.

სამეფო თასის მომდევნო დაპირისპირებები 14, 15 და 16 იანვარს გაიმართება.

რაც შეეხება ფორმატს. ეს იქნება ერთმატჩიანი დაპირისპირება. თუკი „რეალი“ ქვედა ლიგის გუნდს შეხვდება, დაპირისპირებას გამართავს, ხოლო თუ მეტოქე ლა ლიგის გუნდი იქნება, მაშინ მასპინძელის სტატუსით ის გუნდი ისარგებლებს, რომელიც წილისყრის დროს პირველი ამოვა.