მადრიდის „რეალი“ ვინისიუს ჟუნიორისთვის არამხოლოდ 4 მატჩიანი დისკვალიფიკაციის შემცირებას, არამედ წითელი ბარათის საერთოდ გაუქმებას ითხოვს.

„ბლანკოსმა“ შესაბამის უწყებაში უკვე წარადგინა არაერთი ვიდეომტკიცებულება და სპორტული კანონმდებლობით გათვალისწინებული არგუმენტები ვინისიუსთან დაკავშირებით.

„რეალი“ უკან დახევას არ აპირებს და მაქსიმალურად ეცდება, სადისციპლინო კომიტეტმა ვინისიუსს მხარი დაუჭიროს.

მადრიდში მიიჩნევენ, რომ ამ გადაწყვეტილებით პირველ რიგში დაიგმობა ძალადობა, რომელსაც ვალენსიელები ბრაზილიელი ვარსკვლავის მიმართ ანხორციელებდნენ.

ვინისიუსი ახლა სამეფო კლუბთან ერთად იმყოფება და სიმშვიდეს ინარჩუნებს, მის დასჯაზე მსჯელობა კი ხვალ შედგება.