მადრიდის „რეალს“ ხესუს ვალიეხოს გაშვება სურს, ფეხბურთელი კი კლუბიდან წასვლაზე უარს აცხადებს.

ფლორენტინო პერესი მიიჩნევს, რომ ესპანელის კოლექტივში დარჩენას არანაირი აზრი არ აქვს, ვინაიდან ის 1 წუთსაც არ ატარებს მოედანზე, მაგრამ ხესუსი დარჩენის მომხრეა.

მაშინაც კი, როდესაც „მერენგების“ მთავარ მწვრთნელს ცენტრალური მცველი არ დარჩა, კარლომ კასტილიელ ფეხბურთელებზე გააკეთა არჩევანი და ვალიეხო მაინც არ გამოიყვანა მოედანზე, რაც ნულოვან ნდობას ნიშნავს.

ამ ეტაპზე ფეხბურთელს მსურველი არ ჰყავს, მაგრამ თუ მხარეები ორმხრივი შეთანხმების საფუძველზე გაწყვეტენ კონტრაქტს, მისი უფასოდ დამატების მსურველი კლუბები აუცილებლად გამოჩნდებიან.