ახალგაზრდა კანტერანო ხესუს ფორტეა სულ რაღაც 17 წლის არის, მაგრამ ძალიან დიდი პოპულარობით სარგებლობს. ესპანეთში მას ახალ კარვახალს ეძახიან, მაგრამ კარლო ანჩელოტის ნდობა ჯერ კიდევ ვერ დაიმსახურა.

ესპანური და იტალიური გამოცემების ცნობით, ფორტეასთან მოლაპარაკებებს „კომო“ იწყებს და მიიჩნევს, რომ ეს ტრანსფერი იტალიურ კლუბს ძალიან გამოადგება.

სესკ ფაბრეგასი ხესუსის ოჯახს იცნობს და სწორედ ამ ნაცნობების გამოყენებით აპირებს მოლაპარაკებების წარმატებით დასრულებას.

ასევე ცნობილია, რომ ფორტეა მთავარ გუნდში შანსის მიღებას ითხოვდა, ანჩელოტის გადაწყვეტილებამ კი გაანაწყენა.

იმ შემთხვევაში, თუ ესპანელი მარჯვენა მცველი „კომოს“ მიაშურებს, ის იტალიაში 4 წლიან კონტრაქტს და სტაბილურ სათამაშო დროს მიიღებს, რაც საინტერესო უნდა იყოს.