კარლო ანჩელოტიმ დეპორტივო „მინერასთან“ დაპირისპირების წინ პრესკონფერენცია გამართა.

„Copa Del Rey ჩვენთვის მნიშვნელოვანი ტურნირია, სწორედ ამიტომ, განსაკუთრებულად ვემზადებით და გვსურს, რომ თასი მოვიგოთ.“

„კურტუა და რუდიგერი „მინერას“ წინააღმდეგ არ ითამაშებენ, სხვა მოთამაშეები მზად არიან.“

„ანტონიოს პრობლემები არ აქვს, მას განტვირთვის საშუალება მივეცი.“

„მესტალიაზე ვიზიტი ვინისიუსისთვის ძალიან მძიმე იყო. ბრაზილიელ ფეხბურთელს მხარდაჭერას ვუცხადებ, მის მიმართ დიდი აგრესია ხორციელდებოდა, რაც არ არის მისასალმებელი.“

„ხვალინდელ შეხვედრაში როტაცია აუცილებლად იქნება. სათამაშო დროს მივცემ ფეხბურთელებს, რომლებიც ცოტას თამაშობენ, მაგრამ მოედანზე ყოფნას იმსახურებენ, ისინი მოტივირებულები არიან.“

„პენალტის შემსრულებლებზე კონკრეტული გადაწყვეტილებები არ მაქვს მიღებული. ბურთთან ხან ვინი მიდის, ხანაც ბელინგემი ან მბაპე. გარკვეულ შემთხვევებში, არდა გიულერი და ლუკა მოდრიჩი.“

„ვინი წითელ ბარათს არ იმსახურებდა, ყვითელი სრულიად საკმარისი იქნებოდა.“

„ბრაზილიელმა ფეხბურთელმა არაერთი კომპონენტი გააუმჯობესა, ის საუკეთესო ფეხბურთელია.“

„გუნდმა კარგად დაისვენა და ახლა თავიდან ბოლომდე მატჩებზეა კონცეტრირებული. იანვრის თვე ძალიან მომთხოვნი იქნება.“

„პენალტებზე ვარჯიშებზე დიდ ყურადღებას ვამახვილებთ, მაგრამ სესიაზე ვერ იქნება ისეთივე ზეწოლა, როგორც მატჩის დროს არის.“

„ლუნინი „ლა კოპას“ მეკარე არ არის. უკრაინელი კარის დარაჯი შანსს ლა ლიგასა და ჩემპიონთა ლიგაზეც მიიღებს, ის უმაღლესი კლასის კარის დარაჯია და თასის მეკარედ არ განვიხილავ.“

„ესპანეთის სამეფო თასზე გადართულები ჯერ არ ვართ. ვიცით, რომ დიდი ბრძოლა გველის, მაგრამ ახლა მთავარი „მინერას“ დამარცხებაა, შემდეგ კი ნახევარფინალსა და საუკეთესო შემთხვევაში ფინალურ მატჩში წარმატებაზე ფიქრი.  რა თქმა უნდა, ძალიან სასიამოვნო იქნება, თუ 2025 წელს თასით დავიწყებთ, ჩვენ ამისთვის ბოლომდე ბრძოლას ვგეგმავთ და ვიცით, რომ გამარჯვება შეგვიძლია.“

„ერთადერთი ხერხი, რომელიც ვინისიუსის მიმართ პროვოკაციას შეაჩერებს, ბრაზილიელის სიმშვიდეა. მე მას ვუთხარი, რომ თუ პროვოკაციას კიდევ წამოეგება, ამით პროვოკატორებს წაახალისებს.“