„ლივერპული“ ფინალურ ნაბიჯს დგამს. მერსისაიდელებმა ტრენტ ალექსანდერ არნოლდს არანორმალურად დიდი ხელფასი შესთავაზეს.

Daily Mirror-ის ინფორმაციით, ტრენტ ალექსანდერ არნოლდი 5 წლიანი კონტრაქტის სანაცვლოდ ჯამურად 93 მილიონ ევროს მიიღებს, რაც იმას ნიშნავს, რომ მისი ხელფასი წლიურად 18.6 მილიონი იქნება.

ეს არის მართლაც კოლოსალური თანხა, რომელსაც არავინ ელოდა. ტრენტის ამჟამინდელი ხელფასი „ლივერპულში“ 9.3 მილიონია, რაც იმას ნიშნავს, რომ ახალი ხელშეკრულებით ის ზუსტად 100%-ით გაზრდილ ხელფასს მიიღებს.

რაც შეეხება „რეალის“ შეთავაზებას. ფლორენტინო პერესი ინგლისელ ფეხბუთელს წლიურად 9.8 მილიონ ევროს და საბონუსე სისტემას პირდება, რომელიც მოგებულ ტიტულებს და ჩატარებული მატჩების რაოდენობას უკავშირდება.

ბრიტანული გამოცემების ცნობით, „რეალი“ არნოლდს 18 მილიონამდე ნამდვილად ვერ შესთავაზებს, გადაწყვეტილება კი თავად ფეხბურთელზე იქნება დამოკიდებული.