სამეფო კლუბის ფეხბურთელებმა დეპორტივო „მინერასთან“ დაპირისპირებისთვის მზადება დაასრულეს.

დასკვნით სესიაზე დიდი ყურადღება დაეთმო ბურთის ფლობას, პრესინგს, სტანდარტულებს, კარში დარტყმებს და ტაქტიკურ მონახაზებს.

აღსანიშნავია, რომ ივარჯიშა არდა გიულერმაც, რომელსაც გუშინ ტემპერატურა აღენიშნებოდა, თუმცა ჯერ-ჯერობით უცნობია, მოხვდება თუ არა ის სამეფო თასის განაცხადში.

ხესუს ვალიეხომ და ანტონიო რუდიგერმა სესია გამოტოვეს, მიზეზი კი უცნობია.

დავიდ ალაბამ სრული სესია გუნდთან ერთად ჩაატარა და დატვირთვაც მიიღო, მილიტაოს და კარვახალის აღდგენითი პროცესი კი გრძელდება.