2024 წლის 27 დეკემბერს TransfeMarkt-მა გარკვეული ფეხბურთელების სატრანსფერო ღირებულებები განაახლა.

აღსანიშნავია, რომ არდა გიულერის ფასი 45 მილიონ ევროს შეადგენს, ხოლო მაშინ, როდესაც ის „რეალმა“ „ფენერბაჰჩედან“ დაიმატა, 15 მილიონი ევრო იყო.

ამ სეზონში არდას სათამაშო დრო მნიშვნელოვნად არის გაზრდილი. თურქი აღარ ტრავმიანობს და შარშანდელი სეზონისგან განსხვავებით ბევრად უკეთესად არის ადაპტირებული გუნდში.

მიმდინარე სეზონში გიულერმა მოედანზე მხოლოდ ლა ლიგაში 14 მატჩი ჩაატარა და 575 წუთი დააფიქსირა, როდესაც შარშან მისი შედეგი მთელ სეზონში 373 წუთი იყო.

გარდა ამისა, თურქმა ფეხბურთელმა ჩემპიონთა ლიგის 5 შეხვედრაშიც მიიღო მონაწილეობა და 99 წუთი დაჰყო მოედანზე.