კარლო ანჩელოტიმ „ვალენსიასთან“ შეხვედრის წინ პრესკონფერენცია გამართა.

„ყველას გილოცავტ 2025 წლის დადგომას და ბედნიერებას გისურვებთ, ჩვენ ახალ წელს დიდი იმედებით ვხვდებით და გვჯერა, რომ ეს წელი „ბლანკოსისთვის“ ძალიან წარმატებული იქნება.“

„„ვალენსიასთან“ დაპირისპირებას უდიდეს მნიშვნელობას ვანიჭებთ, რადგან ეს გამოტოვებული შეხვედრაა და სატურნირო თვალსაზრისით ძალიან ბევრი რამის შეცვლა შეუძლია.“

„ზამთრის ტრანსფერები? ვნახოთ, ვნახოთ? წინ კიდევ ერთი თვეა, სადაც შეიძლება ბევრი რამ მოხდეს. ახლა „მესტალიაზე“ ვიზიტთან დაკავშირებით ვსაუბრობ.“

„დანი ოლმოს საკითხთან დაკავშირებით საუბარს არ ვაპირებ, ის „ბარსელონას“ ფეხბურთელია.“

„„ვალენსიაში“ მწვრთნელი შეიცვალა, ფეხბურთელები კი ძალიან მოტივირებულები არიან და ცდილობენ, რომ სიტუაცია შეცვალონ. ეს გუნდი გასავარდ ზონაში იმყოფება და რა თქმა უნდა, თითოეული ქულისთვის ბოლომდე იბრძოლებს.“

„გუნდი თავს კარგად გრძნობს, მოტივირებულია და იცის, რა გზაზე უნდა იაროს წარმატების მისაღწევად. ნოემბრის თვე საკმაოდ რთული იყო, მაგრამ ბევრი რამ შევცვალეთ, გავითავისეთ და უფრო ძლიერები გავხდით. ეს „რეალია“, რომელიც ყოველთვის პოულობს გამოსავალს.“

„ჩემი თითოეული ფეხბურთელით აღფრთოვანებული ვარ. ძალიან ძლიერი და პერსპექტიული შემადგენლობა გვყავს.“

„დავიდ ალაბა გუნდთან ერთად ვარჯიშობს, მაგრამ „ვალენსიასთან“ არ ითამაშებს. ავსტრიელისთვის სათამაშო დროის მიცემა 20 იანვრიდან იგეგმება.“

„რთული მომენტი „ბარსელონაში“? ვფიქრობ, ფლიკის გუნდმა შესანიშნავად დაიწყო, შემდეგ იყო მცირე ჩავარდნა, მაგრამ საბოლოო ჯამში ეს გუნდი ყველა ტურნირზე ინარჩუნებს ფავორიტის სტატუსს.“

„არ ვფიქრობ, რომ „რეალის“ მთავარი კონკურენტი კატალონიური გრანდი გახლავთ. ამ სეზონში როგორც „ბარსელონას“, ასევე „ატლეტიკოს“ თანაბარი შანსები აქვთ, ამიტომ საჩემპონო ბრძოლა ორი გუნდის წინააღმდეგ მოგვიწევს.“