მადრიდის „რეალმა“ 2025 წლის პირველი ვარჯიში ჩაატარა.

გუნდი „ვალენსიასთან“ დაპირისპირებისთვის ემზადება.

კარლო ანჩელოტიმ კოლექტივი ბაზაზე შეკრიბა და კონკრეტული დავალებები გასცა.

ფეხბურთელებმა დიდი ყურადღება დაუთმეს ბურთის ფლობას, პრესინგს, მოკლე სივრცეში ზუსტ თამაშს და ტაქტიკურ მონახაზებს.

დავიდ ალაბა გუნდთან ერთად ვარჯიშობს, ედერ მილიტაო და დანიელ კარვახალი კი აღდგენით პროცესს აგრძელებენ.

გუნდს „მესტალიაზე“ ვიზიტისთვის მოსამზადებლად კიდევ ერთი დღე აქვს.