სამეფო კლუბის ფეხბურთელებმა საშობაო შესვენების შემდეგ ვარჯიში განაახლეს.

დღეს გუნდი საწვრთნელ ბაზაზე შეიკრიბა და „ვალენსიასთან“ შეხვედრისთვის მზადება დაიწყო.

სესია სატრენაჟორო დარბაზში დაიწყო, სადაც მოთამაშეებმა დიდი ყურადღება დაუთმეს ფიზიკურ კონდიციებს, შემდეგ კი ყველაფერი მწვანე მინდორზე გაგრძელდა.

სრულფასოვანი დატვირთვით ივარჯიშა დავიდ ალაბამ, რომელიც წელიწადზე მეტია აღდგენით კურსს გადის.

ვარჯიშზე დიდი ყურადღება დაეთმო ბურთის ფლობის კომპონენტს, ტაქტიკურ მონახაზებს, სტანდარტულებს, პრესინგს და მოკლე სივრცეში ზუსტ თამაშს.

ხვალ „მერენგები“ კიდევ ერთხელ შეიკრიბებიან და ღია ვარჯიშს გამართავენ, რომელსაც ქომაგებიც დაესწრებიან.