სამეფო კლუბის არდადაგები დასასრულს უახლოვდება. 30 დეკემბერს კარლო ანჩელოტი სესიებს განაახლებს, დღეიდან კი მოთამაშეები ესპანეთის დედაქალაქს უბრუნდებიან.

მოთამაშეები, რომლებიც დუბაიში იმყოფებოდნენ, ესპანეთის დედაქალაქში უკვე დაბრუნდნენ, დანარჩენები კი დღეს საღამომდე დაბრუნდებიან.

29 დეკემბერს ყველა მადრიდში უნდა იყოს, სწორედ ეს არის ანჩელოტის დირექტივა, რადგან 30 დეკემბრის სესიას მოთამაშეები სრულად დასვენებულები უნდა შეხვდნენ.

3 იანვარს „მერენგებს“ „ვალენსიასთან“ აქვს სათამაშო, მანამდე კი გუნდი 4 სრულფასოვან ვარჯიშს გამართავს.