დანიელ კარვახალმა ჟურნალისტებთან ინტერვიუში სამომავლო გეგმებზე ისაუბრა.

„ძალიან ამბიციური მიზანი მაქვს. მსურს, რომ მსოფლიოს საკლუბო ჩემპიონატზე ხელმისაწვდომი ვიყო, ამისთვის კი დიდი შრომა მომიწევს.“

„ძალიან რთულ ეტაპებს გავდივარ, მაგრამ ყველაფერი ისე მიდის, როგორც სამედიცინო ჯგუფს სურს. გარკვეულ ასპექტებში იმაზე მეტი პროგრესი მაქვს, ვიდრე მოსალოდნელი გახლდათ, ეს კი მეტ მოტივაციას მაძლევს.“

„32 წლის ვარ. ეს არ არის პატარა ასაკი, მაგრამ ვიცი, რომ მომდევნო 4-5 წლის განმავლობაში მოწოდების სიმაღლეზე დგომა შემეძლება. სისწრაფეს ვერ დავკარგავ, რადგან ფლანგის მცველი ვარ და ეს აუცილებელი კომპონენტია.“

„როგორც კვებით, ასევე ფიზიკური მომზადებით ძალიან მაღალ დონეზე უნდა ვიყო და ვეცადო, რომ სასურველ კონდიციას მარტივად დავუბრუნდე.“

„თუ კარიერას „რეალში“ არ დავასრულებ, არცერთ ევროპულ კლუბში არ გადავალ, ეს გამორიცხულია. ასევე უარს ვაცხადებ სამეფო კლუბის წინააღმდეგ თუნდაც 1 მატჩის ჩატარებაზე.“

„ხოსელუს ხუმრობა? დიახ, ის მეუბნება, რომ ახალ კლუბში მარჯვენა მცველის პოზიციას მინახავს. (იცინის). მე მხოლოდ მადრიდი მიყვარს და სხვაგან ვერ წარმომიდგენია.“

„როდესაც მძიმე დაზიანება მივიღე, დიეგო სიმეონემ შეტყობინება გამომიგზავნა და მხარი დამიჭირა. ის კონკურენტი გუნდის მწვრთნელია, მაგრამ ნამდვილი პროფესიონალი გახლავთ. ნამდვილად მემახსოვრება მხარდაჭერა, რომელიც ჩოლოსგან მივიღე.“