იტალიური გამოცემების ცნობით, 2025 წლის ზაფხულში მადრიდის „რეალის“ რადარზე „ინტერის“ 2 ფეხბურთელი იქნება.

ფლორენტინო პერესი 130 მილიონ ევრომდე გამოყოფას გეგმავს, რათა დაცვის ფლანგი და ცენტრალური ნახევარდაცვა გააძლიეროს.

მადრიდში მიიჩნევენ, რომ ნიკოლო ბარელას და ფედერიკო დი მარკოს დამატება კარგი გადაწყვეტილება იქნება, თუმცა ეს სხვა ასპექტებზეც არის დამოკიდებული.

დი მარკოს ტრანსფერი მხოლოდ იმ შემთხვევაში დადგება დღის წესრიგში, თუ სამეფო კლუბი ალფონსო დეივისის გადაბირებას ვერ შეძლებს.