ბრიტანული გამოცემების ცნობით, მოჰამედ სალაჰი პრემიერლიგაში ბოლო სეზონს ატარებს.

ეგვიპტელ ფეხბურთელს სეზონის ბოლოს „ლივერპულის“ დატოვება აქვს განზრახული და მაღალი ალბათობობით საუდის არაბეთში განაგრძობს კარიერას, თუმცა მას ევროპული გრანდებისგან 2 წინადადება აქვს.

მადრიდის „რეალი“ და „პსჟ“ ეგვიპტელს 2 წლიან ხელშეკრულებას სთავაზობენ და სალაჰს შეუძლია ევროპაში დარჩენა კიდევ გაიხანგრძლივოს.

რა თქმა უნდა, პერესის და პარიზული გრანდის წინადადება არ არის ისეთივე „მსუყე“, როგორიც საუდის არაბეთის, მაგრამ ფეხბურთელს აქვს შანსი ბერნაბეუზე ითამაშოს, რაც დიდი ცდუნებაა.

მადრიდში მიიჩნევენ, რომ მოს მომდევნო 2 წლის განმავლობაში მოწოდების სიმაღლეზე დგომა შეეძლება და მარჯვენა ფლანგიდან დიდ ხიფათს შექმნის.