ესპანური გამოცემების ცნობით, მადრიდის „რეალმა“ მანჩესტერ „სიტის“ 170 მილიონიანი წინადადება დაბლოკა.

პეპ გვარდიოლა გამოსავლის ძიებაშია და გუნდის წმენდა აქვს დაგეგმილი. არსებული ცნობით, მანჩესტერელთა მთავარი მწვრთნელი ზაფხულში 7 ან 8 ფეხბურთელის გაშვებას გეგამვს.

არსებული ინფორმაციით, წამსვლელთა სიაში ჯეკ გრილიში, ბერნარდუ სილვა, დე ბრუინი და სხვა ვარსკვლავებიც არიან.

გავრცელებულ ჭორების მიხედვით, მადრიდის „რეალმა“ „სიტისგან“ 170 მილიონიანი შეთავაზება მიიღო, რომელიც როდრიგო გოეშს უკავშირდებოდა. გვარდიოლა მიიჩნევს, რომ შეტევის მარცხენა ფლანგის როდრიგოთი გაძლიერება საუკეთესო გადაწყვეტილება იქნება და ის იდეალურად შეცვლის გრილიშს.

მადრიდული გამოცემების ცნობით კი, ფლორენტინო პერესი გოეშის გაყიდვის პერსპექტივას არ განიხილავს.