ბრაჰიმ დიასი:„მბაპე ძალიან კომფორტული პარტნიორია“
ბრაჰიმ დიასმა „სევილიასთან“ დაპირისპირებაში შესანიშნავად ითამაშა. მაროკოელმა მატჩის მიწურულს კომენტარი გააკეთა.
„ეს იყო წლის შესანიშნავი გვირგვინი. საშინაო არენაზე იდეალურად ვითამაშეთ და გამარჯვება დავიმსახურეთ. წინა ხაზში დიდი სიმტკიცე გვქონდა, ცენტრში კი ბალანსის შექმნას ვცდილობდით. პირველივე ტაიმში შევუტიეთ და ეფექტური გოლების გატანა შევძელით.“
„სულ ახლახანს მოვიგეთ ინტერკონტინენტალის თასი, ძალიან ბევრი ვიფრინეთ და დავიხარჯეთ, თუმცა ვიცოდით, რომ ამ გამარჯვებას უდიდესი მნიშვნელობა ჰქონდა.“
„დიდი მადლობა კილიანს, მან შესანიშნავი პასი გამიკეთა და გოლის გატანა შევძელი. ფრანგთან ძალიან კარგად ვკომბინირებ.“
„მიმაჩნია, რომ გუნდისთვის კიდევ უფრო მეტი სარგებელის მოტანა შემიძლია. როდესაც მოედანზე გავდივარ, ყოველთვის ბოლომდე ვიხარჯები.“
„მადრიდის „რეალის“ გულშემატკივართა მნიშვნელობის შესახებ არაერთხელ მისაუბრია. 2024 წელს უდიდესი სიყვარული მივიღე და მსურს, რომ 2025-ში ჩვენ კვლავ ერთად აღვნიშნოთ უამრავი ტიტულის მოგება, მე მჯერა მათი და მათ უნდა სჯეროდეთ ჩვენი გუნდის.“
- 22 დეკემბერი 2024
- 1 007
- 4
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
