კატალონიის „ბარსელონამ“ საშინაო არენაზე „ატლეტიკოსთან“ წააგო. შეხვედრა დრამატულად განვითარდა და ჩოლო სიმეონეს გუნდმა ბოლო წუთზე შეძლო გამარჯვების დაფიქსირება და აქტივში 3 ქულის ჩაწერა.

ფლიკის გუნდის აბსოლუტური უპირატესობის მიუხედავად, „როხიბლანკომ“ მატჩის შემოტრიალება და საბოლოო ჯამში გამარჯვების მოპოვება შეძლო.

ლა ლიგის მე-19 ტურის თავზე პირველადგილოსანი გუნდი „ატლეტიკო“ გახდა, რომელსაც ერთი შეხვედრა ასევე რეზერვში აქვს და 19-იდან 18 ტური აქვს ნათამაშები.

რაც შეეხება „რეალს“. თუ სამეფო კლუბი დღეს საღამოს „სევილიას“ დამარცხებას შეძლებს, 40 ქულას ჩაიწერს აქტივში და მეორე პოზიციაზე გადაინაცვლებს, „ბარსელონასთან“ სხვაობა კი 2 ქულა გახდება, თუმცა ეს ყველაფერი არ არის.

თუ ანჩელოტის შეგირდები „ვალენსიასთან“ გადადებულ შეხვედრასაც მოიგებენ, კატალონიურ კლუბთან სხვაობა 5 ქულამდე გაიზრდება, რაც სავსებით რეალურია.

„ბლანკოსს“ შანსი აქვს, 2025 წლის სტარტზე კატალონიურ მეტოქესთან 5 ქულიანი სხვაობა ჰქონდეს, „ატლეტიკოსგან“ კი ჩემპიონობაზე სერიოზული განაცხადია გაკეთებული.