მადრიდის „რეალის“ ფეხბურთელებმა „სევილიასთან“ დაპირისპირებისთვის მზადება დაიწყეს.

დღევანდელ სესიაზე გუნდის რამდენიმე ფეხბუღთელი სატრენაჟორო დარბაზში დარჩა, მათ შორის ვინისიუსი, მბაპე, ვალვერდე, ბელინგემი და ტიბო კურტუა.

მილიტაო, ალაბა და კარვახალი აღდგენით პროცესს განაგრძობენ. ავსტრიელმა სესიის გარკვეული ნაწილი გუნდთან ერთად ჩაატარა.

შეკრებაზე დიდი ყურადღება დაეთმო ბურთის ფლობის კომპონენტს, კარში დარტყმებს, ტაქტიკურ მონახაზებს და პრესინგს.

ხვალ „მერენგები“ ფინალურ სესიას გამართავენ.