კარლო ანჩელოტიმ მადრიდის „რეალის“ ისტორიის ახალი ფურცელი გადაშალა.

იტალიელმა სპეციალისტმა მთავარი მწვრთნელის რანგში მე-15 ტიტული მოიგო. „ბლანკოსის“ 122 წლიან ისტორიაში მსგავსი შედეგი არასდროს არავის ჰქონია.

აქამდე ანჩელოტი 14 ტიტულს ლეგენდარულ მიგელ მუნიოსთან ერთად ინაწილებდა, ახლა კი აბსოლუტური რეკორდსმენი გახდა.

მესამე პოზიციაზე ზინედინ ზიდანია 11 ტიტულით, მეოთხეზე მოლოუნი 8 ტიტულით, ხოლო მეხუთეზე ვისენტე დელ ბოსკე 7 ტიტულით.