ვინისიუს ჟუნიორმა ფინალის მოგების შემდეგ ჟურნალისტებთან ისაუბრა.

„ეს კვირა ჩემთვის ძალიან მნიშვნელოვანია, რადგან მოვიგე, როგორც ინდივიდუალური, ასევე კოლექტიური ჯილდოები. რა თქმა უნდა, შესანიშნავ ხასიათზე ვარ და ეს წარმატება კიდევ უფრო დიდ მუხტს მომცემს. ვამაყობ, რომ მსოფლიოს საუკეთესო გუნდის სადარაჯოზე ვდგავარ. რომ არა ჩემი თანაგუნდელები ვერაფერს მივაღწევდი, მათი როლი ძალიან დიდია.“

„ის, რომ ოქროს ბურთი ვერ მოვიგე, არაფერს ცვლის. მთავარი ის არის, რომ ჩემი ოჯახი ბედნიერია და დღეს FIFA THE BEST ჯილდოს ვფლობ. ადრეც ვთქვი და ახლაც გავიმეორებ, რომ უდიდესი გზა გამოვიარე. ჩემს ოჯახს ვენატრებოდი, თუმცა არცერთი წუთი არ დავნებებულვარ და ვცდილობდი, დიდი წარმატება დამეფიქსირებინა.“

„ჩემი და მბაპეს ურთიერთობა ბევრად კარგია, ვიდრე თქვენ გგონიათ, მე მისი დიდი გულშემატკივარი ვარ. წლების მანძილზე ვოცნებობდი ფრანგთან ერთად თამაშზე და ახლა დიდი შანსი გვაქვს. მიხარია, როდესაც მას საგოლე გადაცემებით ვეხმარები, ჩვენ ერთად ბევრ ტიტულს მოვიგებთ.“

„ჩვენ დავიმსახურეთ მსოფლიოს საკლუბო ჩემპიონატის მოგება და ვამაყობთ, რომ აქედან მადრიდში გამარჯვებულები ვბრუნდებით. „რეალი“ არასდროს ჩერდება.“

„გუნდი მიყვება წესებს და ტრადიციებს, რასაც ისტორია მოითხოვს. ჩვენ ვერ გავჩერდებით.“