კარლო ანჩელოტისთვის 2024 წლის 18 დეკემბერი შესაძლოა ისტორიული დღე გამოდგეს.

იმ შემთხვევაში, თუ „რეალი“ ინტერკონტინენტალის თასს მოიგებს, ანჩელოტი გახდება „ბლანკოსის“ ისტორიის ყველაზე ტიტულოვანი მწვრთნელი.

ამ ეტაპზე იტალიელი ლეგენდა მიგელ მუნიოსთან ერთად 14-14 ტიტულს იზიარებს, 15 ტიტული კი აბსოლუტური რეკორდი იქნება.

„ბლანკოსის“ 122 წლიან ისტორიაში 15 ტიტული არცერთი მწვრთნელის ხელში არ დაფიქსირებულა, ეს კი კარლოსთვის დამატებითი მოტივაცია იქნება.