კილიან მბაპე არანაირი დისკომფორტი აღარ აწუხებს. ფრანგმა ფეხბურთელმა გუშინდელ ვარჯიშზეც სრულფასოვანი დატვირთვა მიიღო.

„მარკას“ ცნობით, კარლო ანჩელოტი კილიანის დაყენებას სასტარტო შემადგენლობაში გეგმავს.

ასევე ვრცელდება ინფორმაცია, რომლის მიხედვითაც, „რეალი“ 4-3-3 სქემას აირჩევს და შეტევაში ვინი, მბაპე და როდრიგო ერთად იქნებიან.

შეგახსენებთ, „პაჩუკასთან“ შეხვედრა 21:00 საათზეა ჩანიშნული.