ესპანური გამოცემების ცნობით, მადრიდის „რეალმა“ „ლეგანესთან“ შეთანხმებას მიაღწია.

ახალგაზრდა 18 წლის მცველი ლამინე ფატი კასტილიას რიგებში ჩაირიცხა, ის აქამდე „ლეგანესის“ ახალგაზრდული გუნდის წევრი იყო.

აღსანიშნავია, რომ ფატის მიმართ ინტერესი „სოსიედადს“, „ატლეტიკოს“, „ბარსელონას“ და „ინტერს“ ჰქონდათ, „ბლანკოსმა“ კი ყველას დაასწრო.

ლამინე ესპანეთში დიდი პოპულარობით სარგებლობს და საიმედო მცველად ითვლება.

„ბლანკოსს“ სურს, რომ სეზონის მეორე ნახევარში ფატი „რეალში“ არსებულ ინფრასტრუქტურას და სხვა მნიშვნელოვან დეტალებს გაეცნოს, მომდევნო სეზონიდან კი მთავარი გუნდის მაისური მოირგოს.