მადრიდის „რეალის“ ფეხბურთელები დღეს კიდევ ერთხელ შეიკრიბნენ საწვრთნელ ბაზაზე და დასკვნითი ვარჯიში გამართეს.

გუნდი „ვალეკასზე“ ვიზიტისთვის მზად არის. პირველ რიგში უნდა აღინიშნოს, რომ სრულფასოვანი დატვირთვით ივარჯიშა ედუარდო კამავინგამ და ის განაცხადშიც მოხვდება.

შეკრებაზე დიდი ყურადღება დაეთმო მოკლე სივრცეში ზუსტ თამაშს, ტაქტიკურ მონახაზებს, ბურთის ფლობის კომპონენტს, პრესინგს და სტანდარტულებს.

ჯუდ ბელინგემმა მწვანე მინდორზე ივარჯიშა, ის გუშინ სატრენაჟორო დარბაზში ირჯებოდა.

დავიდ ალაბა ყოველდღიურად პროგრესირებს, კილიან მბაპე კი აღდგენით პროცესში აქტიურად არის ჩართული და ინდივიდუალური პროგრამით ვარჯიშობს.