ესპანური გამოცემების ცნობით, სამეფო კლუბის ხელმძღვანელობა „ბილბაოს“ ახალგაზრდა შემტევით, ნიკო ვილიამსით ინტერესდება.

ფლორენტინო პერესს ესპანეთის ნაკრების შემტევი ძალიან მოსწონს და მიიჩნევს, რომ მას დიდი მომავალი ექნება, თუმცა ჩნდება არაერთი მნიშვნელოვანი კითხვა.

ნიკო მარცხენა გარემარბია, სადაც „ბლანკოსს“ ვინისიუსი ჰყავს, რიგ შემთვევაში კი ეს პოზიცია კილიან მბაპესთვისაც საოცნებოა.

თუ „რეალს“ შეტევის გაძლიერება სურს, პირველ რიგში მარჯვენა შემტევზე უნდა იფიქროს, ამ პოზიციაზე კი „ბილბაოს“ ლიდერი ნამდვილად ვერ გამოდგება.

Cadena Ser-ის ინფორმაციით, ფლორენტინო ბასკურ მხარესთან მოლაპარაკებების დაწყებას გეგმავს, მაგრამ სად მოიაზრებს ევროპის ჩემპიონის გამოყენებას სრულიად გაუგებარია.