ბრიტანული გამოცემების ცნობით, ტრენტ ალექსანდერ არნოლდის აგენტი და „ლივერპულის“ ხელმძღვანელობა ერთმანეთს შეხვდნენ.

ინგლისელი ფეხბურთელის წარმომადგენელა გაცხადებულად თქვა, რომ მისი კლიენტის ინტერესი მადრიდის „რეალში“ გადასვლაა. ტრენტს „ენფილდზე“ დარჩენის პერსპექტივა არ ხიბლავს და არც ახალ კონტრაქტს მოაწერს ხელს.

ალექსანდერ არნოლდი მიიჩნევს, რომ „ლივერპულის“ ხელმძღვანელობამ დაიმსახურა ფეხბურთელის პოზიცია სეზონის დასრულებამდე გაცილებით ადრე იცოდეს და მის შემცვლელთან დაკავშირებით შესაბამისი ზომები მიიღოს.

თავის მხრივ, მადრიდის „რეალს“ განაპირა მცველის კონტრაქტი მზად არის. შეთანხმების შემთხვევაში, ტრენტი 6 წლით ბერნაბეუზე ითამაშებს, თავისუფალი აგენტის სტატუსით „ბლანკოსში“ გადასვლის სანაცვლოდ კი ერთჯერადი ბონუსის სახით 10 მილიონ ევროს მიიღებს.