ფაბიო კანავარომ მადრიდის „რეალში“ განვითარებულ მოვლენებზე ისაუბრა.

„ვფიქრობ, მბაპესთან დაკავშირებით „რეალს“ სანერვიულო არ აქვს, ვინაიდან ფრანგი არის ახალგაზრდა ფეხბურთელი, რომელიც აუცილებლად ადაპტირდება და გამოავლენს იმ საოცარ თვისებებს, რომელსაც წინა წლებში გვიჩვენებდა.“

„სამეფო კლუბში ადაპტაცია დევიდ ბექჰემს და ლუიშ ფიგუსაც გაუჭირდათ, თუმცა გავიდა დრო და ორივემ დიდი ეპოქა შექმნა.“

„მადრიდული გრანდი ჩემპიონთა ლიგაზე ყოველთვის მოწოდების სიმაღლეზე იდგა, მაგრამ ამ სეზონის ახალ ფორმატში ჯერ-ჯერობით ვერ ჩაჯდა. ვინ იცის, შესაძლოა ახალი ფორმატის პირველი წელი ანჩელოტის გუნდისთვის სასარგებლო ვერ გახდეს.“

„ფეხბურთში რამდენიმე სახიფათო ტენდენცია გამოიკვეთა, რაც ფიზიკურად ძლიერ ფეხბურთელებზე აქცენტის გაკეთებას უკავშირდება. შეუძლებელია მხოლოდ ფიზიკას აქცევდე ყურადღებას მაშინ, როდესაც საქმე ფეხბურთთან გაქვს. აუცილებელია მოთამაშეთა ინტელექტუალური განვითარებაც, ვინაიდან ფეხბურთი ყოველთვის უნდა დარჩეს ლამაზ სპორტად.“

„დატვირთული გრაფიკი? ფეხბურთს უმაღლეს დონეზე 10-11 წლის განმავლობაში თამაშობენ, შემდეგ კი დასვენების დრო მოდის, ამიტომ ვერ მივიღებ კრიტიკას, რომელიც დატვირთულ კალენდარს უკავშირდება.“

„ჩემი თაობის ფეხბურთელებთან ერთად ხშირად ვთამაშობ ხოლმე ამხანგურ შეხვედრებს, მაგრამ მუხლის გამო 20 წუთზე მეტ დატვირთვას ვერ ვიღებ.“

„ძალიან მიკვირს, როგორ მოახერხა კლარენს ზეედორფმა ფორმის ასეთ დონეზე შენარჩუნება. ხანდახან ვფიქრობ ხოლმე, რომ ნიდერლანდელს ახლაც შეუძლია ჩემპიონთა ლიგაზე თამაში.“