დანიელ კარვახალმა ჟურნალისტებთან ინტერვიუში საკუთარი მდგომარეობასა და კილიან მბაპეზე ისაუბრა.

„ვიცი, რომ ჩემი ტრავმის მკურნალობა უდიდეს სირთულეებთან არის დაკავშირებული, მაგრამ ამისთვის მზად ვარ. პროგრესი აშკარაა, თუმცა პატარ-პატარა ნაბიჯებით მივდივარ წინ. ჯერ დეკემბერია, რაც იმას ნიშნავს, რომ მთელი ზამთარი, გაზაფხული და ზაფხული აღდგენას უნდა დავუთმო.“

„ჩემთვის მოედანზე დაბრუნების საუკეთესო დრო სექტემბრის დასაწყისია და ამისთვის ყველაფერს ვიღონებ.“

„მბაპეს დაზიანება? მას ყველა ამხნევებს და მათ შორის მეც ვარ. მჯერა, რომ ფრანგის დისკომფორტი სერიოზული არ იქნება და ის გუნდთან ერთად მალე ივარჯიშებს.“