„რეალი“ სებალიოსის გადარწუნებას შეეცდება
მადრიდული გამოცემების ცნობით, სამეფო კლუბს დანი სებალიოსის გადარწმუნება აქვს განზრახული. ესპანელი ფეხბურთელი სეზონის ბოლოს კლუბის დატოვებას აპირებს, უმთავრეს მიზეზად კი არასათანადო სათამაშო დროს ასახელებს.
ბოლო დროს სებას შანსი მიეცა და არაერთ შეხვედრაში დაამტკიცა, რომ ძალიან მაღალ დონეზე ასპარეზობა შეუძლია.
როდესაც დანი ძირითად შემადგენლობაში, გუნდი უფრო ბალანსირებულ ფეხბურთს თამაშობს. ესპანელი ნახევარმცველი გამოირჩევა ზუსტი და გამოზომილი პასებით, ასევე აქვს მოედნის კარგი ხედვა.
დანის არაერთი მსურველი ჰყავს, მაგრამ მადრიდში ხვდებიან, რომ მისი უკეთ გამოყენება არის შესაძლებელი, სწორედ ამიტომ, დანიმ შესაძლოა ახალი კონტრაქტი და გარანტიებიც მიიღოს.
ნახევარმცველის მთავარ მიზანს ესპანეთის ნაკრებში დაბრუნება წარმოადგენს, ამისთვის კი სათამაშო პრაქტიკა ძალიან მნიშვნელოვანია.
სებას ანგარიშზე ლა ლიგის მიმდინარე გათამაშებაში 7 მატჩი და 345 წუთია, ჩემპიონთა ლიგაზე კი 4 შეხვედრა და 145 წუთი.
შედეგები მნიშვნელოვნად გაუმჯობესდა ბოლო კვირებში, სხვა შემთხვევაში კი დანის წუთების მაჩვენებელი მინიმალური იქნებოდა.
- 11 დეკემბერი 2024
- 1 525
- 18
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
