ბრაჰიმ დიასმა ბერგამოში დაფიქსირებული გამარჯვების შემდეგ ჟურნალისტებთან ისაუბრა.

„დარწმუნებული ვარ, მაყურებელმა დიდი სიამოვნება მიიღო, რადგან 90 წუთის განმავლობაში დინამიურ ფეხბურთს უყურა. ჩვენ საკმაოდ კარგად მოვემზადეთ, გვქონდა ტაქტიკური იდეა და ფიზიკური მომზადება, რამაც 3 ქული მოგვიტანა.“

„მბაპესთან საოცრად ვკომბინირებდი. ძალიან სამწუხაროა, რომ ფრანგს მოედნის დატოვება მოუხდა, რადგან მჯერა, რომ კიდევ გაიტანდა.“

„დაცვა მოწოდების სიმაღლეზე იდგა. მიუხედავად იმისა, რომ 2 გოლი გავუშვით, არაერთი სწრაფი შეტევა გავანეიტრალეთ.“

„საუკეთესო ფორმასთან ახლოს ვარ. ვიცი, რომ მუშაობა უნდა გავაგრძელო და აუცილებლად მოვუმატო. გუნდის დახმარება შემიძლია და ეს პროცესი კიდევ უფრო ინტენსიური უნდა გახდეს.“

„ეს „რეალია“, რომელიც არასდროს ნებდება. პირობას გაძლევთ, რომ ჯგუფური ეტაპის დასასრულს 15 ქულა გვექნება, დანარჩენი კი სხვა გუნდების შედეგებზე იქნება დამოკიდებული. ჯერ კიდევ არსებობს შანსი იმისა, რომ 8 გუნდს შორის მოვხვდეთ, სხვა შემთხვევაში კი Play off-ებს გამოვიყენებთ მომდევნო ეტაპზე გასასვლელად.“