„ხუვენილ A“-ს 17 წლის ფორვარდმა, დანიელ იანიესმა მადრიდის „რეალის“ მთავარ გუნდში იასპარეზა.

„მონტოლივიზე“ მატჩის მიწურულს ახალგაზრდა მოთამაშემ არდა გიულერი შეცვლაა და მთავარი გუნდის რიგებში რამდენიმე წუთით ასპარეზობის შანსი მიიღო.

იანიესი „რეალის “სადარაჯოზე 2019 წლიდან დგას და სხვადასხვა ასაკობრივი გუნდი მოიარა.

„როდესაც მოედანზე გავდიოდი, ანჩელოტიმ მითხრა, რომ არ მენერვიულა და თამაშისგან სიამოვნება მიმეღო. ჩემი ოცნება ახდა, ამ დღეზე დიდხანს ვოცნებობდი. მოტივაცია მართლაც საოცარია. ვერ დავივიწყებ წუთებს, რომელმაც უდიდესი სიხარული მომანიჭა. დიდ ფეხბურთელებთან ერთად თამაში უდიდესი გამოცდილებაა. მჯერა, რომ მთავარ გუნდში კიდევ ბევრჯერ ვითამაშებ“-განაცხადა იანიესმა.