მარტინ სუბიმენდის მიმართ ინტერესი კვირიდან კვირამდე იზრდება. ის, რომ ესპანელი ფეხბურთელი მომდევნო სეზონიდან „სოსიედადის“ ღირსებას აღარ დაიცავს, ფაქტია.

მარტინზე პრეტენზიას „სიტი“, „იუნაიტედი“, „არსენალი“ „ინტერი“, „ლივერპული“ და სხვა გუნდები აცხადებენ.

ასპარეზზე გამოსულია მადრიდის „რეალიც“, რომელიც „სოსიედადის“ ხელმძღვანელობას კონკრეტული წინადადებით უკვე დაუკავშირდა.

ფლორენტინო პერესი მიიჩნევს, რომ ბასკი ნახევარმცველი ძალიან გამოადგება, სწორედ ამიტომ, ამ ტრანსფერისთვის ბოლომდე დაიხარჯება.

ასევე ვრცელდება ინფორმაცია, რომლის მიხედვითაც, მარტინის აგენტი ყველა მსურველ კლუბს ეუბნება, რომ პრიორიტეტს „ბლანკოსი“ წარმოადგენს და მისი კლიენტი მხოლოდ იმ შემთხვევაში განიხილავს სხვა კლუბში ასპარეზობის პერსპექტივას, თუ ბერნაბეუზე თამაშის შანსი აღარ იარსებებს.

არსებული ცნობით, „ბლანკოსში“ მიიჩნევენ, რომ მარტინის ტრანსფერი 50 მილიონი ევრო დაჯდება.