მადრიდის „რეალის“ ფეხბურთელებმა „ჟირონასთან“ დაპირისპირებისთვის მზადება დაასრულეს.

თავდაპირველი გახურებისა და ფიზიკურ კონდიციებზე ზრუნვის შემდეგ, გუნდმა მწვანე მინდორზე გადაინაცვლა და დიდი აქცენტი გააკეთა ბურთის ფლობაზე, პრესინგზე, ტაქტიკურ მონახაზებსა და მოკლე სივრცეში ზუსტ თამაშზე.

ვინისიუს ჟუნიორმა და დავიდ ალაბამ ვარჯიშის ნაწილი გუნდთან ერთად ჩაატარეს, ედუარდო კამავინგა აღდგენით პროცესს განაგრძობს.

შეგახსენებთ, „მონტოლივიზე“ დაგეგმილი შეხვედრა ხვალ, თბილისის დროით 23:55 საათზე აიღებს სტარტს.