მადრიდის „რეალმა“ „სან მამესზე“ წაგებით ლა ლიგის პოტენციური ლიდერის სტატუსი დაკარგა. ახლა საუკეთესო შემთხვევაში „ბარსელონასთან“ ჩამორჩენა 1 ქულა იქნება.

ამ წუთის მონაცემებით, ანჩელოტის გუნდი „ბარსელონას“ 4 ქულით ჩამორჩება და 1 მატჩი რეზერვში აქვს, რომლის მოგების შემთხვევაშიც, სხვაობა მინიმუმამდე იქნება დაყვანილი.

„ბილბაოსთან“ წაგებამ „ბლანკოსის“ ფეხბურთელებზე ძალიან ცუდად იმოქმედა, თუმცა ანჩელოტი ყველაფერს გააკეთებს მომდევნო ტურის მატჩის მოსაგებად, რომელიც „ჟირონასთან“ გაიმართება.