ანჩელოტი:„მბაპეს ეს ადამიანი სჭირდება“
კარლო ანჩელოტიმ „ბილბაოსთან“ მარცხის შემდეგ პრესკონფერენცია გამართა.
„ძალიან დამწუხრებულები ვართ. ჩვენ წაგებას არ ვიმსახურებდით, ალბათ ლოგიკური შედეგი ფრე იქნებოდა. მივიჩნევ, რომ ბელინგემის გოლის შემდეგ მეტოქის კარის აღება შეგვეძლო, მაგრამ არ გაგვიმართლა, საშინელი შეცდომა დავუშვით და გოლი გავუშვით.“
„მბაპე? მას სჭირდება ვინისიუსი. მჯერა, რომ ბრაზილიელის დაბრუნების შემდეგ გუნდი უფრო მობილური და სწრაფი გახდება, კილიანს კი ვინი ხშირად მოამარაგებს მწვავე პასებით.“
„ფედე ვალვერდე ხელშეუხებელი ფეხბურთელია, შეცდომა ყველას მოსდის.“
„კილიანთან გაფუჭებულ პენალტზე არ მისაუბრია, რადგან ამის საჭიროებას ვერ ვხედავ. ფრანგს ჩემი აბსოლუტური მხარდაჭერა აქვს.“
„გასულ სეზონში გაცილებით სოლიდურები ვიყავით, ვიდრე ახლა, რაც ძალიან სამწუხაროა. ვეცდები, სიტუაცია შევცვალო. ჩვენ ამ სეზონში უკვე 5-ჯერ წავაგეთ და ეს ძალიან მძიმე აღსაქმელია.“
- 5 დეკემბერი 2024
- 2 709
- 8
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
