მადრიდის „რეალი“ რაულ ასენსიოს ახალ კონტრაქტზე მუშაობს და მალე ესპანელი ფეხბურთელი დიდი ხნით დაუკავშირებს თავს სამეფო კლუბს.

ესპანური გამოცემების ცნობით, ფლორენტინო პერესი ესპანელი მცველის გამოსასყიდ თანხას 500 მილიონ ევრომდე გაზრდის. ეს არის სტანდარტი, რომელიც „ბლანკოსში“ უკვე დიდი ხანია დამკვიდრებულია, ხოლო ბაზარზე საუდის არაბეთის გამოჩენის შემდეგ, ზოგიერთი ფეხბურთელის გამოსასყიდმა თანხამ 1 მილიარდიც კი შეადგინა.

ახლა ასენსიოს მოქმედი ხელშეკრულება გამოსასყიდ თანხად 50 მილიონს ითვალისწინებს, რაც „ბლანკოსისთვის“ მიუღებელია.

რაც შეეხება ახალ კონტრაქტს. მაღალი ალბათობით, კანტერანო „მერენგებთან“ 5 წლიან კონტრაქტს მოაწერს ხელს და „ბლანკოსში“ 2030 წლის 30 ივნისამდე დარჩება, გაიზრდება მისი შემოსავლებიც.