მადრიდის „რეალი“ ტიბო კურტუას ახალ ხელშეკრულებაზე მუშაობს. ბელგიელ კიპერს „ბლანკოსთან“ მიმდინარე ხელშეკრულება 2026 წლის 30 ივნისს ეწურება.

„მარკას“ ინფორმაციით, ფლორენტინო პერესს სურს, რომ კონტრაქტი 2028 წლის 30 ივნისამდე გახანგრძლივდეს, რაც იმას ნიშნავს, რომ ფეხბურთელები „მერენგების“ რიგებში ამ სეზონის გარდა კიდევ 3 სეზონით დარჩება.

კურტუა 32 წლის არის, თუმცა მეკარისთვის ეს ასაკი ნამდვილად არ გახლავთ საგანგაშო, თანაც იმ ფონზე, რომ ის შესანიშნავ კონდიციაში იმყოფება.

მადრიდული გამოცემები იუწყებიან, რომ მხარეები მოლაპარაკებებს საკმაოდ სწრაფად ახორციელებენ და შეთანხმებას ხელს არაფერი შეუშლის.