„არსენალის“ ფეხბურთელი „რეალის“ ტოპ ტრანსფერი იქნება
მადრიდის „რეალში“ 2025 წლის ზაფხულის სატრანსფერო პოლიტიკას აქტიურად გეგმავენ.
ფლორენტინო პერესი განსაკუთრებულ ყურადღებას დაუთმობს დაცვის ცენტრის გაძლიერებას, ვინაიდან მიიჩნევს, რომ ამ რგოლში „ბლანკოსს“ ძალიან უჭირს.
ედერ მილიტაომ უმძიმესი ტრავმა მიიღო და მომავალ სეზონში დაბრუნდება, თუმცა ბრაზილიელთან დაკავშირებით პესიმისტური განწყობებია გაღვივებული, ვინაიდან მან წელიწადნახევრიან შუალედში 2-ჯერ გაიწყვიტა ჯვარედინი მყესები, რაც მის სისწრაფესა და დინამიკაზე ყველა ვარიანტში ცუდად იმოქმედებს.
ამას ემატება დავიდ ალაბაც, რომელიც უკვე მე-13 თვეა მოედანზე არავის უნახავს და დაბრუნდება იანვრის ბოლოს იგეგმება, თუმცა ავსტრიელის ასაკიდან გამომდინარე, „ბლანკოსში“ ვერც მასზე გააკეთებენ სრულფასოვან გათვლას.
რაულ ასენსიოს გამოჩენამ „რეალს“ დამშვიდების საშუალება მისცა, თუმცა დროებით, ვინაიდან ზაფხულში ქმედითი ნაბიჯები იქნება გადასადგმელი.
არსებული ცნობების მიხედვით, ლონდონის „არსენალის“ დაცვის ვარსკვლავი ვილიამ სალიბა „მერენგების“ ტოპ პრიორიტეტი იქნება და ამ ტრანსფერისთვის პერესი 100 მილიონ ევრომდე გადაიხდის.
მადრიდში მიაჩნიათ, რომ სალიბაზე მინიმუმ 10 წლიანი გათვლის გაკეთებაა შესაძლებელი და ეს შეთანხმება უნდა შედგეს.
ესპანეთის დედაქალაქში ვილიამის სისწრაფე, ბურთთან ურთიერთობა, მეორე სართულზე თამაში და რაც მთავარია ასაკი, ძალიან მიმზიდველია.
- გუშინ, 17:56
- 1 542
- 16
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
