სამეფო კლუბის ფეხბურთელები დღეს კიდევ ერთხელ შეიკრიბნენ საწვრთნელ ბაზაზე და ფინალური ვარჯიში გამართეს.

გუნდი „სან მამესზე“ ვიზიტისთვის მზად არის.

აღსანიშნავია, რომ კვლავ სრულფასოვანი დატვირთვით იმუშავა ორელიან ჩუამენიმ, რომელიც ბასკეთში გუნდთან ერთად მიემგზავრება.

ალაბა, კამავინგა და ვინისიუს ჟუნიორი აღდგენით პროცესს განაგრძობენ.

სესიაზე დიდი ყურადღება დაეთმო ბურთის ფლობის კომპონენტს, ტაქტიკურ მონახაზებს, კარში დარტყმებს და მოკლე სივრცეში ზუსტ თამაშს.

შეგახსენებთ, ლა ლიგის მომდევნო შეხვედრას „მერენგები“ ოთხშაბათს, 23:55 საათზე ჩაატარებენ.