ანჩელოტი:„ჩვენი პროგრესი აშკარაა, „სან მამესზე“ მოგება გვჭირდება“
კარლო ანჩელოტიმ „სან მამესზე“ ვიზიტის წინ პრესკონფერენცია გამართა.
„დიდი გამოწვევის წინაშე ვართ, ვინაიდან ჩვენ ვუპირისპირდებით გუნდს, რომელიც ესპანეთში ერთ-ერთი საუკეთესოა და საკუთარ კედლებში ყოველთვის გამარჯვებას ცდილობს. ვიცით, რომ სანახაობრივი და მომენტებით დახუნძლული მატჩი იქნება.“
„თუ ხვალ პენალტი დაინიშნება, მბაპე და ბელინგემი გადაწყვეტენ, ვინ მივა ბურთთან.“
„ჩუამენი სრულფასოვნად გამოჯანმრთელდა და სათამაშოდ მზად არის. სასტარტო შემადგენლობა ჯერ არ ჩამომიყალიბებია, შესაბამისად, ვერ გეტყვით, დაიწყებს თუ არა პირველივე წუთებიდან.“
„ახლა საკმაოდ კარგ ფორმაში ვართ, მაგრამ როდესაც გუნდს ედუარდო კამავინგა, ვინისიუსი და დავიდ ალაბა დაუბრუნდებიან, ჩვენ რესურსი, სისწრაფე და დინამიკა პიკს მიაღწევს.“
„რაულ ასენსიომ ყველას აჩვენა, რომ ძალიან მოტივირებული და პერსპექტიული ფეხბურთელია. არ ვიცი, უნდა დავფიქრდეს, დავტოვებ თუ არა მას სკამზე, ვინაიდან ძალიან მაღალ დონეს აჩვენებს და იმსახურებს სასტარტოში თამაშს.“
„ჩუამენის პოზიცია? მისი საუკეთესო ადგილი ნახევარდაცვაა, მაგრამ დაცვის ცენტრში თამაშიც შეუძლია, რაც სიმშვიდის საფუძველს მაძლევს.“
„ასენსიო საკუთარ თავზე ბევრს მუშაობს, ცდილობს ვარჯიშებზე არსებული ხარვეზები დახვეწოს, არასდროს ნერვიულობს და 100%-ით კონცენტრირებულია. მე მას ძალიან დიდ მომავალს ვუწინასწარმეტყველებ.“
„რა თქმა უნდა, არ ველოდი, რომ ესპანელი ახალგაზრდა ამ დონეზე იასპარეზებდა.“
„ფრან გარსიას მეტ დროს ვაძლევ, ვინაიდან ამ ფეხბურთელის პროგრესი აშკარაა. მიხარია, რომ ესპანელი ასე კარგად შეეწყო გუნდს და ბევრს შრომობს.“
„მენდიმ ჩვენთან ერთად 2-ჯერ შეძლო ჩემპიონთა ლიგის მოგება. ის 2019 წლიდან „რეალის“ ფეხბურთელია და გუნდთან ერთად არაერთი ეტაპი გაიარა, უნდა დავაფასოთ ფრანგი და მისი შესაძლებლობები.“
„ბელინგემთან დაკავშირებით ყოველთვის ვამბობდი, რომ მოუმატებდა. ფაქტია, ინგლისელმა ბოლო დროს გოლების გატანა დაიწყო. შემიძლია დაგიდასტუროთ, რომ მას პრობლემა არ აქვს და „ბილბაოს“ წინააღმდეგ თამაში შეუძლია, ის მაღალი ალბათობით პირველივე წუთებიდან დაიწყებს.“
„მბაპესა და ჯუდს შორის საოცარი ურთიერთობაა, ისინი ერთმანეთს მხარს უჭერენ და იციან, რომ მომავალში ბევრი ტიტული აქვთ მოსაგები. ჯუდმა ძალიან კარგად იცის, რომ ვინისიუსი და კილიანი ჩვენი შეტევის შეუცვლელი წევრები არიან.“
- გუშინ, 17:38
- 1 186
- 3
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.
