მადრიდული გამოცემები პირდაპირ მიუთითებენ, რომ როდრიგო გოეში კილიან მბაპესთვის იდეალური პარტნიორია.

ანალიტიკოსები  იხსენებენ არაერთ შეხვედრას, სადაც ბრაზილიელი და ფრანგი ფეხბურთელები ერთმანეთში შესანიშნავად კომბინირებენ. ასე მოხდა „ხეტაფესთან“ შეხვედრაშიც, სადაც გოეშმა მოედანზე დაახლოებით 1 საათი გაატარა და საკმაოდ დიდი წვლილი შეიტანა გამარჯვებაში.

მაშინ, როდესაც როდრიგო მოედანზეა, მბაპე გაცილებით მეტად მარაგდება გადაცემებით, თავისუფლდება სივრცეები და ხელსაყრელი წერტილები.

„მარკა“ იუწყება, რომ ამ ფორმაციის სამეფო კლუბში კილიანის წარმატებისთვის, როდრიგოს ფაქტორი და მისი მოედანზე ყოფნა ძალიან მნიშვნელოვანია.

მაშინ, როდესაც კილიანის მარგი ქმედების კოეფიციენტი მაღალია, გოეში ხშირად არის მოედანზე, ხოლო როდესაც ბრაზილიელი ვერ თამაშობს, მბაპეც ხშირად არის ინერტული.

მადრიდელი ანალიტიკოსები ასევე დასძენენ, რომ „ენფილდზე“ გამართულ შეხვედრაში როდრიგოს როლი ძალიან დიდი იქნებოდა და კლუბს სამხრეთ-ამერიკელი ძალიან დააკლდა.