მიუხედავად იმისა, რომ ხოსეპ გვარდიოლამ „სიტისთან“ კონტრაქტი ოფიციალურად სულ ცოტა ხნის წინ გაახანგრძლივა, „ქალაქელებში“ სერიოზული პრობლემებია.

„ლივერპულთან“ განცდილი მარცხის შემდეგ მანჩესტერში სიტუაცია კიდევ უფრო დაიძაბა. პეპმა გაახანგრძლივა, მაგრამ მისი ფსიქოლოგიური მდგომარეობა ძალიან მძიმეა და წასვლაზე ფიქრობს.

არსებული ცნობით, თუ „სიტი“ მომდევნო შეხვედრაში გამარჯვებას ვერ მოიპოვებს, კატალონიელი სპეციალისტი თანამდებობას დატოვებს, ვინაიდან გამოსავალს მხოლოდ ამაში ხედავს.

ამასთან ერთად ვრცელდება ინფორმაცია, რომლის მიხედვითაც, „სიტი“ არ იჩქარება და გუნდში ისეთ სპეციალისტს მიიყვანს, ვინც სეზონს სტაბილურად ჩაამთავრებს, შემდეგ კი კარლო ანჩელოტის შესთავაზებს მთავარი მწვრთნელის პოსტს.

მანჩესტერში მიიჩნევენ, რომ „რეალის“ გამოცდილი დამრიგებლისთვის შეთავაზების გაკეთება ამ ეტაპზე სწორი გადაწყვეტილებაა, რადგან იტალიელი ბერნაბეუდან აბარგებასთან ახლოს არის.