დანი სებალიოსმა „ხეტაფესთან“ შეხვედრის შემდეგ ჟურნალისტებთან ისაუბრა.

„მართალია მატჩის მიწურულს დაღლა დაგვეტყო, თუმცა საერთო ჯამში კმაყოფილები ვართ. ჩვენ მეტოქის კარში 2-ზე მეტი გოლის გატანაც შეგვეძლო.“

„გუნდი კომპაქტური იყო, შეცდომებს არ უშვებდა და ცდილობდა, დაწყებული საქმე ბოლომდე მიეყვანა.“

„„ბარსელონასთან“ ქულების სხვაობა მინიმიზირებულია, მაგრამ ჩვენ 1 მატჩი კიდევ რეზერვში გვაქვს და ეს ბევრს ნიშნავს.“

„ბოლო მატჩებში საკმაოდ ბევრი სათამაშო დრო მომეცა და ჩემი დინამიკაც გაიზარდა. როდესაც ზედიზედ ვატარებ შეხვედრებს, გაცილებით პროდუქტიული ვხდები და კარგ ფორმაში შევდივარ.“