იტალიური გამოცემების ცნობით, კარლო ანჩელოტის უსამსახუროდ ყოფნა დიდი ხნით არ მოუწევს.

მადრიდის „რეალი“ 2025 წლის იტალიელი სპეციალისტის გათავისუფლებას აპირებს და განვითარებულ მოვლენებს აქტიურად აკვირდება „მილანის“ ხელმძღვანელობა, რომელიც საშინლად უკმაყოფილოა ფონსეკას ,მუშაობით და მიიჩნევს, რომ სამწვრთნელო შტაბში ცვლილებების საჭიროება დგება.

იმ შემთხვევაში, თუ პერესი ანჩელოტის დაემშვიდობება, „როსონერი“ ეცდება ლეგენდარულ სპეციალისტს 3 წლიანი კონტრაქტი გაუფორმოს და მაღალი მიზნებისთვის იბრძოლოს.

„მილანი“ ეტაპობრივად პროგრესირებს, თუმცა ძველ დიდებას ჯერ ვერ იბრუნებს, სწორედ ამიტომ, სურს, რომ მეტი ინვესტიციით და გამოცდილი სპეციალისტით პროგრესი აჩვენოს.