ლუკას ვასკესი ტრავმის შემდეგ მოედანზე დაბრუნდა. ესპანელმა ფეხბურთელმა „ენფილდზე“ წაგებული შეხვედრის შემდეგ კომენტარი გააკეთა.

„წაგება ყოველთვის მტკივა და არასასიამოვნოა. ჩვენ შეტევაში არაფერი გამოგვდიოდა, „ლივერპულის“ მოთამაშეები კი კარგად ორგანიზებულები იყვნენ. ვფიქრობ, შეცდომი უნდა ვაღიაროთ და წინ ვიყუროთ, არნე სლოტის გუნდს კი გამარჯვება მივულოცოთ. მასპინძლებმა დამსახურებული 3 ქულა ჩაიწერეს აქტივში.“

„რაულ ასენსიოსთვის „ენფილდზე“ თამაში უდიდესი გამოცდილება იყო. მიხარია, რომ კანტერანო ამ დონეზე თამაშობს და საიმედო მცველად ითვლება.“

„ჩვენ ტრავმებს შეჩვეულები ვართ. გუნდს რამდენიმე ლიდერი აკლია, მაგრამ ეტაპობრივად ყველაფერი გამოსწორდება. ვიმედოვნებ, კამავინგას დაზიანება სერიოზული არ იქნება.“

„მბაპეს არ სჭირდება იმის დამტკიცება, რომ ტოპ კლასის წინახაზელია. დარწმუნებული ვარ, ფრანგი ბევრს გააკეთებს სამეფო კლუბისთვის და მისი დრო მალე დადგება.“